Incumbensas ed activitads

Scolaziun

L'atelier d'emprendissadi per la creaziun da vestgadira, direcziun vestgadira da dunnas, vegn a serrar sias portas per l'avust 2024. Manà a questa decisiun han tranter auter la situaziun dal martgà e da las empustaziuns. Perquai na vegnan pli fatgs nagins novs contracts d'emprendissadi. Per che las persunas en scolaziun possian obtegnair las cumpetenzas praticas essan nus avisads sin empustaziuns da clientas e clients er durant il temp restant.

Giuvenils che s'interessan per in fufragnadi sco creatura u creatur da vestgadira AFQ pon far in tal en l'atelier d'emprendissadi fin ch'el vegn serrà.

Anc fin la fin da fanadur 2024 scolescha l'atelier d'emprendissadi per la creaziun da vestgadira en ina furmaziun fundamentala professiunala da 3 onns emprendistas ed emprendists giuvens ed interessads a la moda sco creaturas e creaturs da vestgadira cun attestat federal da qualificaziun (AFQ), direcziun vestgadira da dunnas. Sper la lavur en l'atelier d'emprendissadi (oravant tut realisar las incumbensas da las clientas) frequentan las emprendistas ed ils emprendists la Scola professiunala da moda e da concepziun a Turitg.

Servetschs

Da nossa purschida fan part la cussegliaziun individuala e la confecziun sin mesira da vestgadira da dunnas da tut gener. Quella vegn sviluppada, preparada sco muster e confecziunada tenor Vossas ideas. Ultra da l'atgna lingia da confecziun faschain nus er midaments ed adattaziuns. Gugent As cussegliain nus persunalmain tar nus en l'atelier d'emprendissadi ed ans legrain da Vossa dumonda!