Cussegliaziun da studi e scolas medias per gimnasiastas e gimnasiasts

Cussegliaziun da studi
Nossas cussegliadras e noss cussegliaders da studis cusseglian gimnasiastas e gimnasiasts per eruir lur interess e lur abilitads e per elavurar perspectivas per lur futur.

Dumondas tipicas èn per exempel …
• Tge duess jau studegiar suenter la matura?
• Tge pussaivladads da studi datti?
• Tge interess e abilitads hai jau e tge studi correspunda a mias fermezzas?
• Tge roms laterals fan senn?
• Tge pussaivladads hai jau suenter mes studi elegì?

La cussegliaziun da studi sustegna Vus tar Vossa elecziun dal studi cun infurmaziuns, discurs e sche necessari cun tests e meds da lavurs adequats.

Cussegliaziun da scola media
Ina cussegliaziun durant il temp da scola media po far senn, sche gimnasiastas e gimnasiasts èn confruntads cun problems da prestaziun.

Vus As pudais annunziar per ina cussegliaziun individuala, tschentar Vossas dumondas cun agid dal formular da contact u visitar nus en il CIP.