Il management da cas furmaziun professiunala sustegna giuvenils e persunas giuvnas creschi-das tranter 16 e 25 onns, che abitan en il chantun Grischun e che n'han

• suenter la finiziun da la scola obligatorica
• suenter ina soluziun transitorica
• suenter avair interrut l'emprendissadi

betg chattà ina soluziun da cuntinuaziun sin il stgalim secundar II.

Il management da cas furmaziun professiunala registrescha sistematicamain las persunas giu-vnas pertutgadas e sa metta en contact cun ellas en scrit. Tar in emprim discurs vegn analisada la situaziun ensemen cun la persuna giuvna ed inizià in process d'accumpagnament, sche quai è necessari. Ensemen vegnan elavuradas finamiras e mesiras individualas e – sche necessari – vegnan integrads auters posts. Il management da cas furmaziun professiunala è in post da coordinaziun che collia ils differents acturs cun la finamira da manar las persunas giuvnas en moda persistenta ed efficazia ad in diplom professiunal.