Sectur Furmar e perscrutar

Incumbensa Holzinger-Loretz concernent la scolaziun SSS-tgira; rapport da la gruppa da lavur

Cunquai ch'il Cussegl grond ha assegnà en la sessiun d'october 2019 l'incumbensa Holzinger-Loretz concernent la scolaziun SSS-tgira en il senn da la proposta da midada Holzinger-Loretz, cumplettada da la dumonda Aebli, è la Regenza vegnida incumbensada da procurar ch'i vegnian messas a disposiziun avunda plazzas da scolaziun e da praticum en ils manaschis grischuns per in dumber maximal da persunas ch'èn interessadas vi da quest studi e che adempleschan las premissas d'admissiun da scola per in studi SSS-tgira. En quest connex èn vegnids examinads differents models (princip dal lieu da scola, princip dal lieu d'emprendissadi, model maschadà), e quai cun consultar las gruppas en mira relevantas.

• Rapport da la gruppa da lavur per realisar l'incumbensa Holzinger-Loretz al Departament da giustia, segirezza e sanadad (DGSS) dal chantun Grischun dal 1. da mars 2021 (document per tudestg)
• Cumparegliaziun dals models da furmaziun e da la garanzia da persunal da la Scola spezialisada superiura da tgira a Cuira, rapport Sottas, dals 22 da matg 2020 (document per tudestg)
• Resultats da la retschertga davart las perspectivas professiunalas, davart ils praticums, davart las preferenzas per in engaschament da scola/ da praticum, davart il giudicament da la furmaziun tar las studentas ed ils students SSS-tgira al Center da furmaziun per la sanadad ed ils fatgs socials (CSS) Cuira dals 21 da mars 2020 (document per tudestg)

Rapport d'expertas e d'experts sco basa per la strategia chantunala da scola auta e da perscrutaziun (S&P)

Sin la basa da la Lescha davart las scolas autas e la perscrutaziun sto la Regenza fixar ina strategia chantunala da scola auta e da perscrutaziun. La basa concepziunala per quai furma in rapport d'expertas e d'experts, dal qual la Regenza ha prendì enconuschientscha. Il rapport structurescha las activitads en il sectur da las scolas autas e da la perscrutaziun en il chantun Grischun tenor ils princips da la furmaziun d'accents e da la promoziun da las forzas existentas. Sco elements structurals vegnan proponids ils champs da profil "turissem ed economia", "resursas e privels da la natira", "tecnologias-clav", "cultura e diversitad", "life science" sco er "computational science". Cun la resalva ch'ils meds finanzials correspundents sajan disponibels èsi planisà da realisar cun il program da la Regenza 2017-2020 pass per pass singulas recumandaziuns dal rapport.

• Rapport tar la strategia da scola auta e da perscrutaziun (SS&P) dal chantun Grischun dals 21 da matg 2015 (document per tudestg)
  
  

Marketing da furmaziun

Per pudair etablir il Grischun sco chantun da scolas autas e da perscrutaziun en l'entira Svizra sco er per pudair colliar las purschidas da scolaziun ed ils instituts da perscrutaziun in cun l'auter, dovri in marketing da furmaziun correspundent sco er projects da coordinaziun e da cooperaziun.