La scolaziun, la furmaziun supplementara sco er la qualificaziun posteriura da las collavuraturas e dals collavuraturs, ch'èn indispensablas per l'economia, per l'industria e per la societad dal Grischun, vegnan purschidas da las scolas autas, dals instituts da perscrutaziun e da las instituziuns da la furmaziun professiunala superiura. Ils contracts da basa ed ils contracts annuals che vegnan concludids cun las scolas autas e cun las scolas professiunalas superiuras garanteschan che las purschidas ch'èn vegnidas fixadas là, sajan confurmas al basegn ed utilas.

Ina survista da las purschidas da furmaziun e da perscrutaziun en il Grischun... 

Politica da furmaziun, perscrutaziun e d' innovaziun da la Confederaziun per ils onns 2025-2028

Ulteriuras infurmaziuns...

Rapport d'experts sco basa per la strategia chantunala da scola auta e da perscrutaziun

Sin la basa da la lescha davart las scolas autas e la perscrutaziun sto la regenza fixar ina strategia chantunala da scola auta e da perscrutaziun. La basa concepziunala per quai furma in rapport d'experts, dal qual la regenza ha prendì enconuschientscha. Il rapport structurescha las activitads da scola auta e da perscrutaziun en il chantun Grischun tenor ils princips da la furmaziun d'accents e da la promoziun da las fermezzas existentas. Sco elements structurals vegnan proponids ils champs da profil "turissem ed economia", "resursas e privels da la natira", "tecnologias-clav", "cultura e diversitad", "life science" sco er "computational science". Cun la resalva ch'ils meds finanzials correspundents sajan disponibels èsi planisà da realisar cun il program da la regenza 2017-2020 pass per pass singulas recumandaziuns dal rapport.

Bericht Hochschul- und Forschungsstrategie (H&FS) des Kantons Graubünden
Konzept der Hochschul- und Forschungsstrategie (H&FS)

Scolas autas/instituts da perscrutaziun

L'installaziun e la gestiun d'ina scola auta senza ina instituziun responsabla statala sto vegnir approvada da la regenza. La permissiun da gestiun ch'è necessaria per scolas autas e per instituziuns che sumeglian scolas autas e che surdattan titels academics po vegnir concedida, sche tschertas cundiziuns vegnan ademplidas.


Scolas autas en il Grischun
Instituts da perscrutazium en il Grischun