Tgi fa part dal Cussegl grond, sche tut las candidatas ed ils candidats d'ina glista (cun dretg d'in sez) na pon betg pli far part dal Cussegl grond – saja quai durant ina sessiun u per adina?

En in tal cas po l'emprima sutsegnadra u l'emprim sutsegnader da la glista pertutgada far part dal Cussegl grond. Sche questa persuna na po u na vul betg occupar il sez, succeda la cumplettaziun tras las sutsegnadras ed ils sutsegnaders da la proposta electorala en la successiun da las suttascripziuns (art. 32 al. 1 LECG). Pir cur ch'ina cumplettaziun tras las sutsegnadras ed ils sutsegnaders da la proposta electorala n'è betg pussaivla, ordinescha la Regenza in'elecziun cumplementara en il circul electoral respectiv (art. 32 al. 3 LECG).