Planisaziun locala e zonas da construcziun
Las planisaziuns localas e regiunalas vegnan accumpagnadas dal chantun e las dumondas per edifizis ordaifer la zona da construcziun vegnan examinadas. Il svilup dal territori vegn analisà e da quai vegnan elavuradas las basas da planisaziun.
Construcziun ed ambient
Qua chattais Vus las infurmaziuns davart ils aspects dal dretg d'ambient pertutgant in project da construcziun. Las lavurs da construcziun èn per il solit cumbinadas cun ina transtgargiada da material considerabla. As infurmai davart la renatiralisaziun e davart la dismessa dal material che resulta sco er davart la gestiun dals ruments da construcziun.
Il chantun maina in cataster dals lieus contaminads, en il qual vegnan inscrits las anteriuras deponias, ils lieus d'industria contaminads sco er ils lieus, nua ch'igl ha dà accidents cun substanzas privlusas per l'ambient. Il perimeter da controlla cunter contaminaziuns chemicas dal terren reducescha il privel da derasar substanzas nuschaivlas.
Per construir e per manar indrizs cun pumpa a chalur che servan ad utilisar la chalur dal terren u da l'aua, è necessaria – ultra d'ina eventuala permissiun da construcziun da la vischnanca da domicil – ina permissiun tenor la legislaziun davart la protecziun da las auas dal chantun. Ultra da quai chattais Vus qua infurmaziuns davart ulteriuras permissiuns supplementaras en connex cun il project da construcziun.
Valitaziun d'immobiglias
Il chantun fa las stimaziuns uffizialas dals bains immobigliars e da las immobiglias en il Grischun. Sin dumonda vegnan er fatgs giudicats da stimaziun per il maun public (cunzunt per las vischnancas e per las dretgiras).
Construcziun bassa e correcziun dals curs d'aua
Il chantun è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d'aua en il Grischun.
Acquisiziuns
Sch'il maun public retira – sin il martgà liber – d'in offerent cunter pajament ils meds necessaris ch'el dovra per realisar sias incumbensas legalas, discurran ins d'acquisiziuns publicas (pli baud: fatgs da submissiun). Incumbensas pli grondas èn suttamessas a las surdadas formalas e ston vegnir publitgadas, sch'i vegnan surpassadas tschertas limitas. La surdada da las incumbensas po vegnir contestada giudizialmein.
Publicaziuns
Las acquisiziuns publicas ston vegnir publitgadas almain en il fegl uffizial chantunal. Ulteriuras publicaziuns èn admessas en ulteriuras medias. Las publicaziuns ch'èn vegnidas endatadas en il portal da publicaziuns public www.simap.ch, cumparan automaticamain er en il fegl uffizial chantunal.