La collavuraziun interinstituziunala (CII) Grischun è...
in servetsch cuminaivel dal chantun Grischun. Las suandantas instituziuns resp. partiziuns coopereschan activamain:
Represchentadas en trais gremis
En il chantun Grischun èn las instituziuns partenarias da la CII represchentadas en trais gremis: en la gruppa directiva, en la gruppa d'experts ed en la gruppa da lavur. Il Post da coordinaziun CII è il liom tranter questas gruppas resp. quests plauns.
La gruppa directiva: direcziun strategica – stgalim direcziuns dals uffizis e direcziuns da las instituziuns. Ella responsescha ils projects e las lavurs da las instituziuns partenarias da la CII envers la Regenza. Ella infurmescha, sustegna e dirigia las gruppas sco er il Post da coordinaziun ed approvescha il preventiv da la CII.
La gruppa d'experts: direcziun spezialisada – stgalim direcziuns da las partiziuns e direcziuns dals secturs. Ella analisescha ils svilups ed ils impuls da la CII naziunala surordinada e formulescha en cas da basegn propostas per sviluppar vinavant la structura da la CII sin il stgalim chantun.
La gruppa da lavur: realisaziun operativa – stgalim direcziuns dals teams. Ella controllescha la qualitad dals process e da la collavuraziun. Ella lavura cuntinuadamain vi da la meglieraziun da la collavuraziun concreta en las fatschentas quotidianas e formulescha en cas da basegn propostas per l'ulteriur svilup sin plaun structural.
Il Post da coordinaziun CII. El sa participescha a tut las sesidas dals gremis ed è il liom tranter ils trais plauns directivs. El tschertga potenzial per optimar la collavuraziun. El represchenta ils interess da la CII Grischun envers las autras instituziuns ed envers la CII naziunala. El stgaffescha plattafurmas digitalas e fisicas per rinforzar la CII.
Proceder en in cas da CII
