Spezialist/-a d'hotellaria e d'economia da chasa AFQ
Champ d'incumbensas
Ti lavuras al Plantahof a Landquart durant tes temp d'emprendissadi.
Tias fermezzas èn
- Plaschair dal contact cun umans
- Sensibilitad ed empatia
- Demananza curtaschaivla
- Conscienza per ils servetschs
- Mauns inschignaivels
- Senn per igiena
- Talent organisatoric
- Senn per urden
- Agilitad corporala
- Abilitad da supportar squitsch
- Abilitad da lavurar en in team
- Bunas enconuschientschas dal tudestg e chapientscha dal tudestg svizzer
Accents da la scolaziun
Sco spezialist/-a d'hotellaria e d'economia da chasa nettegias ti biros, chombras e locals generals, ti lavuras en il sectur dal service e dals giasts, liquideschas lavurs administrativas, has bunas enconuschientschas dal nutriment e da l'alimentaziun sco er dal tractament da la laschiva.
La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.
Scolaziun
| Durada: |
3 onns |
| Scola: |
1 di per emna scola professiunala
4 dis per onn d'emprendissadi curs intermanaschials |
| Finiziun: |
attestat federal da qualificaziun "spezialist/-a d'hotellaria e d'economia da chasa AFQ" |
Pretensiun
Pussaivladads d'absolver furmaziuns supplementaras suenter l'emprendissadi
La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- Purschidas da scolas spezialisadas e da scolas professiunalas spezialisadas sco er da las OdML economia da chasa
- Cun certificat professiunal federal: manadra/manader da sectur hotellaria-tegnairchasa, manadra/manader da tegnairchasa, spezialista/spezialist da mantegniment, spezialista/spezialist per il nettegiament d'edifizis
- Cun diplom federal: manadra/manader d'hotellaria-economia da chasa, manadra/manader da la restauraziun collectiva, manadra/manader facility management, manadra/manader d'instituziuns socialas e medico-socialas, nettegiadra/nettegiader d'edifizis, scheffa/schef da mantegniment
- Mainagestiun en facility management SSS dipl., hoteliera-restauratura/hotelier-restauratur SSS dipl.
- Bachelor of science (SAS) en facility management