Nus purschain...

Temp da lavur e temp liber– work-life-balance

• In'emna da lavur da 42 uras cun in pensum cumplain. En media vegn dentant lavurà 43 uras per emna. Persuenter pon vegnir retratgs mintg'onn 5 dis libers supplementars.
• 5 emnas vacanzas.

Paja e prestaziuns socialas

• Paja gista e libra da discriminaziun incl. 13avla paja mensila.
• Contribuziun pauschala al material da scola.
• Contribuziun a l'acquist da diploms sco er da certificats e/u a la participaziun a segiurns linguistics u a viadis da studi.
• Premia da success da la procedura da qualificaziun (PQ).

Furmaziun e perfecziunament

• Furmaziun da basa cumplessiva ed orientada a la pratica tras var 90 furmaturas professiunalas e furmaturs professiunals cun blera experientscha.
• Curs introductiv.
• Curs da furmaziun supplementara entaifer il manaschi.
• Occurrenzas individualas per emprendistas/emprendists.
• Festa da diplom interna.

Management da sanadad en il manaschi

• Per ina contribuziun annuala fitg pitschna porscha administraziun en moviment in program da curs varià e presta uschia ina contribuziun impurtanta per promover il moviment da nossas collavuraturas e noss collavuraturs. Da crossfit sur yoga e pilates fin al spinning datti per mintgina e mintgin insatge.
• Participaziun a l'acziun annuala «Bike to work».
• Dapertut, nua ch'igl è pussaivel in restaurant cun menus frestgs, sauns e variads per nossas collavuraturas e noss collavuraturs.
• La partiziun Segirezza al plaz da lavur e protecziun da la sanadad s'occupa da la prevenziun en connex cun ils plazs da lavur e cun las collavuraturas ed ils collavuraturs da l'administraziun chantunala. Il post spezialisà stat er a disposiziun per cussegliaziuns e per dumondas davart il tema «prevenziun».
• Noss management da reabilitaziun intern porscha a collavuraturas e collavuraturs cun problems da la sanadad da tuttas sorts sustegn per dumagnar quests problems.
• Post da consultaziun gratuit ed anonim per cussegliaziun psicologica en cas da temas en connex cun la plazza da lavur.
• La pussaivladad d'annunziar incunvegnientschas en il sectur dal persunal.

Ulteriuras purschidas accessoricas

• Gidar a furmar noss Chantun!
• Cundiziuns adattadas per sportistas/sportists da prestaziun che possedan la carta da talents.
• Soluziun da cuntinuaziun suenter l'emprendissadi: bunas schanzas per in engaschament fix.