Il chantun Grischun promova il traffic public da persunas sco er il transport da rauba cun la viafier. El ha la finamira d'augmentar la cumpart dal traffic public en relaziun cun il traffic total. Uschia èsi pussaivel da mantegnair l'attractivitad dal Grischun sco spazi economic, turistic e da viver e da proteger l'ambient.

Servetschs en il sectur dal traffic public:

• promover il traffic public da persunas ed il transport da rauba (meglierar las purschidas, consorzis tariffars, investiziuns en l'infrastructura, en vehichels, en binaris da colliaziun e.u.v., promover la digitalisaziun e.u.v.)
• cooperar a la colliaziun dal Grischun cun la rait naziunala ed internaziunala dal traffic public sco er per far ils pass da cumplettaziun dal Program da svilup strategic da l'infrastructura da viafier (STEP) da la Confederaziun
• exequir/realisar las leschas federalas e chantunalas davart il traffic public
• definir novs concepts da purschida e da gestiun en collavuraziun cun las interpresas da transport
• organisar la procedura d'empustaziun: tut las purschidas dal traffic public regiunal vegnan empustadas ed indemnisadas tar las interpresas da viafier e da bus
• realisar ina procedura d'urari chantunala per il traffic public regiunal ed internaziunal
• conceder permissiuns chantunalas per ils transports da persunas