Casturs
Dapi sia recolonisaziun activa en Svizra tranter l'onn 1956 e l'onn 1978 è il territori da derasaziun dal castur s'extendì fermamain e ses dumber è creschì cuntinuadamain.
L'onn 2008 è vegnì observà regularmain in castur en l'En che sa trategneva en il territori da Pradella a Scuol.
Ils onns suandants èn las observaziuns da casturs e da lur fastizs s'augmentadas en il Grischun. L'ultima analisa naziunala dal dumber è vegnida fatga l'onn 2022 en cooperaziun cun il UCP. Ils resultats mussan ch'il dumber da casturs en il Grischun è s'augmentà dapi l'onn 2008 dal revier singul en l'Engiadina a 32 reviers cun stimads 104 casturs.
En il Grischun stoi vegnir fatg quint cun in ulteriur augment e cun ina derasaziun. Ils reviers per lung da las Alps, dal Rain anteriur e dal Rain posteriur vegnan a sa concentrar ed il squitsch da colonisar sin auas lateralas pitschnas vegn a s'augmentar.
Ludras
L'atun 2017 è – suenter in'absenza da decennis sper Samedan – vegnida fotografada ina ludra sin ina camera dal UCP. In onn pli tard survegn ins l'emprima cumprova da reproducziun. Per lung da l'En è la ludra permanentamain preschenta dapi sia scuverta.
Las emprimas tschintg reproducziuns da ludras èn tuttas vegnidas documentadas en l'Engiadin'Ota. La fin da favrer 2025 ha la surveglianza chantunala da chatscha pudì cumprovar – grazia a l'utilisaziun da cameras d'animals selvadis – ina ludra cun dus animals giuvens en Surselva. Quai è l'emprima cumprova d'ina reproducziun da ludras en Surselva ed uschia en tut la sisavla reproducziun segirada en il Grischun.
Il dumber da ludras sa chatta en il Grischun anc en in'avnaun tempriva da posas d'abitadis.
FAQ
A tgi poss jau ma drizzar, sche jau hai in conflict cun ils casturs?
En cas d'in conflict pudais Vus contactar la guardia da chatscha chantunala responsabla.
Nua chat jau ulteriuras infurmaziuns davart ils casturs?
Infurmaziuns detagliadas davart casturs en Svizra chattais Vus sin la pagina d'internet dal Servetsch spezialisà naziunal per casturs.
Nua chat jau ulteriuras infurmaziuns davart las ludras?
Infurmaziuns detagliadas davart ils casturs en Svizra chattais Vus sin la pagina d'internet dal Post spezialisà naziunal da ludras.
Nua poss jau annunziar ina cumprova?
Sche Vus avais chattà ina ludra u ses fastizs, As vegnan supplitgads d'As annunziar tar la guardia da chatscha chantunala responsabla.
Publicaziun
Ulteriurs documents chattais Vus sin la pagina Publicaziuns.