La nova plattafurma simap.ch va en funcziun il 1. da fanadur 2024. A partir dal 1. da zercladur 2024 pon ils posts d'acquisiziun sa registrar sin la nova plattafurma e preparar publicaziuns che vegnan publitgadas a partir dal 1. da fanadur 2024. Per ils posts d'acquisiziun stat a disposiziun online ina plattafurma da scolaziun (educ.simap.ch).

·     Il conturn productiv da la nova plattafurma simap.ch vegn a star a disposiziun a partir dals 3 da zercladur 2024 sut l'adressa prod.simap.ch.

·     I sa tracta da la plattafurma publica che vegn ad esser accessibla a partir dal 1. da fanadur 2024 sut www.simap.ch. Per plaschair registrar sin prod.simap exclusivamain publicaziuns autenticas. 

·     Per la scolaziun e per ils exercizis stat a disposiziun illimitadamain la plattafurma da scolaziun educ.simap.

·     Utilisaders ed ils profils da la plazza d'acquisiziun ston vegnir endrizzads da nov sin prod.simap.ch.

·     La data da publicaziun il pli bauld pussaivel sin la nova plattafurma è il 1. da fanadur 2024. Publicaziuns cun ina data da publicaziun precedenta ston anc vegnir publitgadas e terminadas sin la plattafurma veglia.  

·     prod.simap.ch stat a disposiziun fin venderdi, ils 28 da zercladur 2024, a las 12:00. Da venderdi, ils 28 da zercladur 2024, a las 12:00, fin glindesdi, il 1. da fanadur 2024, a las 08:00, vegn midada la plattafurma productiva sin www.simap.ch e n'è betg disponibla durant quest temp.