La Regenza ha approvà in project per survegliar ils trais territoris Fueina da Spral, Casa da Maschinas e Crap Leller en la vischnanca da Breil. Il project custa tut en tut circa 120 000 francs. En quests trais territoris sa chattan plirs grips instabils che pericliteschan la via sursilvana tranter Rueun e Tavanasa tras crudada da crappa e da grippa. Ils grips che pudessan crudar giu èn situads en in'autezza dad 80 fin 160 meters sur la via ed han in volumen dad intgins tschient fin plirs milli meters cubic. Sche quests grips crudassan giu, stuess ins far quint ch'il traffic sin la via sursilvana vegniss interrut durant plirs dis. En il rom dal project vegnan observads e mesirads ils grips labils. Sin basa dals resultats pon plinavant vegnir evaluadas mesiras da protecziun.

© Florian Donau (BauGrundRisk ScRL)