Per render accessibel tut il chantun ed uschia per garantir in'urbanisaziun decentrala han las vias ina impurtanza centrala en il Grischun. Il mantegniment da la substanza da la gronda rait da vias da noss chantun da muntogna, ma er la renovaziun da las vias existentas e la construcziun da vias novas èn incumbensas permanentas che chaschunan gronds custs. Ils meds finanzials necessaris duain vegnir investids intenziunadamain, raschunaivlamain e durablamain. Per quest intent ha l'uffizi da construcziun bassa elavurà per incumbensa da la regenza il program da construcziun da vias e la planisaziun correspundenta da las finanzas per ils onns 2013–2016. En la missiva nr. 14/2011–2012 propona la regenza al cussegl grond da prender enconuschientscha dal program da construcziun da vias.

Rapport davart il program da construcziun da vias 2013–2016