Sin la rait da vias chantunalas d’ina lunghezza da passa 1400 kilometers èn previs l’onn 2017 presumadamain 86 plazzals sin vias principalas e 112 plazzals sin vias da colliaziun. Tar 93 da quels vegn il traffic reglà cun amplas. Schebain ch’ina circulaziun dal traffic optimala è centrala per l’Uffizi da construcziun bassa dal Grischun, stoi vegnir fatg quint cun restricziuns per il traffic en il sectur dals plazzals. Per optimar vinavant la segirezza e la circulaziun dal traffic tar ils plazzals vegn introducida a partir da questa stagiun da construir la fasa «MELLEN sbrinzlond» empè da «VERD» per las amplas da traffic tar ils plazzals.

Infurmaziuns detagliadas en l'actual UCB-Info.