En il Grischun vegni puspè construì. Sin la rait da vias chantunalas, che ha ina lunghezza da var 1360 kilometers, èn planisads l’onn 2020 previsiblamain 69 plazzals sin las vias principalas e 103 plazzals sin las vias da colliaziun. Sin 80 plazzals vegn il traffic reglà cun amplas. Durant il temp da construcziun procura l’Uffizi da construcziun bassa dal Grischun ch’il traffic circuleschia optimalmain.

Perquai ch’i n’è betg previs da serrar en general ils plazzals en il rom da las mesiras concernent COVID-19, vegnan cumenzadas las lavurs da construcziun suenter Pasca 2020 sco planisà. La protecziun da las collavuraturas e dals collavuraturs sin ils plazzals ha dentant emprima prioritad. Correspundentamain ston vegnir prendidas tut las mesiras per garantir che las mesiras da l’Uffizi federal da sanadad publica (UFSP) vegnian observadas durant las lavurs e durant ils transports dal persunal. Il patrun da construc­ziun examinescha las mesiras prendidas.

Ulteriuras infurmaziuns en l'actual Info UCB.