Sin il traject da via tranter Dieni e Sta. Brida na correspunda la via sursilvana sin in lunghezza da circa 800 meters betg pli als standards actuals, uschia che la Regenza ha approvà in project da sanaziun e da correcziun da la via. En il rom dal project duai tranter auter vegnir adattà il traject, schlargiada la via – che ha oz per part mo in vial – sin 6 meters e duain vegnir construids sustegns da tuttas duas varts da la via. Ils custs totals importan circa 11 milliuns francs.