Activitads en il liber daventan pli e pli impurtantas per la populaziun e per ils giasts turistics. L'utilisaziun da la rait da vias che po vegnir duvrada per il traffic betg motorisà, è s'augmentada fermamain tras il boom da velos da muntogna convenziunals ed electrics. Cun il project «Fairtrail Grischun 2021–2023» duai vegnir cuntinuada ed extendida la mesira da sensibilisaziun «Fairtrail», ch'era vegnida instradada cun success.

Cun sensibilisar intenziunadamain las diversas gruppas che han in interess per la rait da sendas da viandar e da vias da bike, duai vegnir minimà il potenzial da conflicts. Las cundiziuns generalas per utilisar l'infrastructura existenta duain vegnir mantegnidas. L'acceptanza tranter tut las utilisadras e tut ils utilisaders duai vegnir promovida.