A partir da l'onn 2024 na propaghescha Fairtrail betg mo ina convivenza respectusa tranter las utilisadras ed ils utilisaders da las vias e sendas, mabain er in cumportament respectus envers la flora, la fauna sco er envers l'economia d'alp e l'economia forestala. En il center stat la creaziun da relaziuns che duain promover il respect e la toleranza.
La campagna cumpiglia lavurs da basa, scolaziuns, mesiras da communicaziun, acziuns da Fairdinand sco er il svilup da soluziuns concretas e da mussavias per meglierar la coexistenza. Nova è la pussaivladad che Fairtrail po iniziar mesiras specificas entaifer las destinaziuns.
Tut ils messadis e tut ils chanals da communicaziun vegnan adattads per l'emprima giada a las gruppas en mira tenor las trais dimensiuns vegliadetgna (uffants, giuvenils, persunas creschidas), derivanza (persunas indigenas, giasts) e frequenza (core, light). Uschia pon ils meds finanzials vegnir impundids en moda fitg effizienta. Quai è bain logic!
L'Uffizi da construcziun bassa dal Grischun, sco post spezialisà per il traffic betg motorisà, è purtader dal project ed Allegra Trails ScRL e responsabel per la direcziun dal project.