Cun projects da svilup turistics innovativs sco graubünden Bike, graubünden Hike e graubünden Trailrun ha il Grischun acquistà ina rolla da pionier en il sectur dal traffic betg motorisà (viandar e velo da muntogna). Tras l'ulteriur svilup da Fairtrail vegn quest avantatg da concurrenza segirà persistentamain. Suenter la terminaziun reussida da l'emprima fasa dals onns 2021 fin 2023 – che ha obtegnì attenziun naziunala e che vegn imitada en ulteriurs chantuns – sa concentrescha il project ussa sin ils onns 2024 fin 2027.

Fairtrail è dapli che mo ina campagna da communicaziun. Igl è ina tenuta vivida che vegn pussibilitada tras la collavuraziun da blers onns tranter differentas instituziuns e persunas – da l'Uffizi da construcziun bassa fin a l'Uffizi per economia e turissem, da Grischun Vacanzas fin a las destinaziuns turisticas, da la manadra d'excursiuns fin al bikeguide.