Malsognas psichicas van tiers a nus tuttas e tuts: Mintga segunda persuna daventa ina giada en sia vita psichicamain malsauna. Discurrer sur da problems levgescha e pussibilitescha agid. Quai è impurtant. Pli ditg ch'ina grevezza psichica dura, pli grond è numnadamain il privel ch'ella daventia ina malsogna seriusa.
La psica po, gist sco il corp, vegnir rinforzada e tgirada. En quest connex èsi impurtant da pudair numnar, co ch'ins sa senta e tge che fa bain ad ins. La campagna «Co vai cun tai?» sustegna cun infurmaziuns, checks e tips:

- Numnar: Emoziuns dad A–Z
- Mesirar: Autocontrolla
- Exercitar: Tips per in discurs
- Rinforzar: Impuls per la psica
- Chattar in profi: find-help GR

Pertge betg visitar in dals banchins mellens per discurs en il Grischun? Cun questa acziun è la campagna francada fermamain en passa 40 vischnancas.

Differentas materialias per la campagna pon vegnir empustadas en la butia.