È Vossa vischnanca en equiliber?

La stad 2024 (Termin d'annunzia: 31 da mars 2024) dain nus ad emprest il percurs d'equiliber mobil a las vischnancas ed instituziuns. Uschia vulain nus rinforzar il stil da viver saun da la populaziun grischuna e motivar las vischnancas da concepir ils spazis da moviment e d'inscunter publics en ina moda attractiva.

Cun la crusch da ballantschar pon burgaisas e burgais da tut las vegliadetgnas metter a la prova lur coordinaziun e lur equiliber. Ultra da l'effect positiv per la sanadad, promovan spazis attractivs per sa mover er l'activitad ed il barat da giuven e vegl. Las vischnancas che vulan concepir spazis da moviment e d'inscunter attractivs, cussegliain e sustegnain nus finanzialmain.

Il termin d'annunzia per l'acziun da stad «BalanceKreuz» è scadì.

La crusch da ballantschar sa ferma questa stad a las suandantas staziuns en il chantun Grischun:

• vischnanca da Zizers, dals 22 d'avrigl fin ils 17 da matg 2024 / lieu: Rangstrasse 10, 7205 Zizers
• citad da Cuira (Di dal sport grischun), dals 20 da matg fin ils 25 da matg 2024 / lieu: implant da sport da scola Sand
• citad da Cuira (Cuira en moviment), dals 25 da matg fin ils 31 da matg 2024 / lieu: prà da la Viafier retica
• vischnanca da Mustér, dals 3 da zercladur fin ils 21 da zercladur 2024 / lieu: Scola populara Mustér
• vischnanca da S-chanf (di da famiglia), dals 5 d'avust fin ils 26 d'avust 2024 / lieu: Prasüras

Avais Vus dumondas davart la crusch da ballantschar? Sabrina Zimmermann, manadra dal project Promoziun da la sanadad per scolas I spazis per sa mover, As stat gugent a disposiziun sut il numer da telefon 081 257 64 11 u per e-mail sabrina.zimmermann@san.gr.ch.