Cun «BalanceKreuz», in percurs d'equiliber mobil, han persunas interessadas da tut las vegliadetgnas pudì testar lur coordinaziun e lur equiliber. Da la fin d'avrigl fin il settember 2024 è la crusch da ballantschar sa fermada en ils suandants lieus dal chantun Grischun:

• Vischnanca da Zizers (Rangstrasse 10): dals 22 d'avrigl fin ils 17 da matg 2024
• Citad da Cuira (implant da sport da scola Sand): dals 20 da matg fin ils 25 da matg 2024 / Di dal sport grischun
• Citad da Cuira (prà da la Viafier retica): dals 25 da matg fin ils 31 da matg 2024 / Cuira en moviment
• Vischnanca da Mustér (scola populara Mustér): dals 3 da zercladur fin ils 21 da zercladur 2024
• Vischnanca da S-chanf (Prasüras): dals 5 d'avust fin ils 26 d'avust / Di da famiglia
• Cuminanza d'interess Brambrüesch (center d'infurmaziun «Brambus Center»): dals 4 da fanadur fin ils 5 d'avust / Festival e kino da velos

Ultra da l'effect positiv per la sanadad, promovan spazis attractivs per sa mover er l'activitad ed il barat tranter giuven e vegl.

Nus engraziain cordialmain per la participaziun e per l'engaschi da las vischnancas e da las instituziuns menziunadas. Senza lur sustegn na fiss questa acziun betg stada pussaivla. Numerusas occurrenzas, tranter auter dis per senioras e seniors ed occurrenzas d'impuls, han enritgì l'acziun e prestà ina contribuziun preziusa per promover il moviment e la scuntrada en las vischnancas.