Da nov emprendan ils uffants dal stgalim primar ad enconuscher las reglas da traffic cun Gian e Flurina. Per instruir la 2. classa porta Martin Roffler dal post spezialisà Prevenziun cun sai: Ina broschura da colur per dissegnar e colurar, figuras e simbols per tatgar si sco er grondas folias per pender cun magnets vi da la tavla da paraid. 

La canera da motors d'ina moto, in scalin da velo e givels d'uffants resunan d'in autpledader. La finamira è quella da percepir situaziuns da privel en il spazi stradal. «Faschai in rudé cotschen enturn quai che as para privlus», di il polizist Roffler.

Ils uffants emprendan, nua ch'els dastgan ir cun trottinet u cun urdains sumegliants e nua ch'els ston chaminar. Sco regla fundamentala vala: Dapertut, nua che pedunas e peduns dastgan er esser sin viadi. 

Tranter ils tatgaders èn er ina lindorna ed ina giaglina – sco quellas, numnadamain plaun u currind, na duain ins betg traversar la via.

A la fin enumereschan ils uffants, tge ch'els han tut emprendì oz. «Spetgar fin ch'il bus è partì, avant che traversar la via, stuschar il trotti sur las strivlas melnas, betg giugar cun la balla sin via a scola» e bler auter.