En Svizra vegni differenzià tranter territori da construcziun e territori betg da construcziun: uschenumnadas zonas da construcziun e territoris ordaifer las zonas da construcziun. Questa separaziun è in dals princips fundamentals da la planisaziun dal territori. La Lescha federala davart la planisaziun dal territori (LPT) fixescha, sut tge premissas ch'igl è pussaivel da construir ordaifer las zonas da construcziun.

Il suandant film principal sco er ils quatter films curts mussan, tge edifizis e tge stabiliments che pon da princip vegnir construids ordaifer la zona da construcziun. Plinavant infurmeschan ils films davart las autoritads cumpetentas e davart las proceduras sco er davart las consequenzas, sche las disposiziuns vertentas na vegnan betg observadas.

Ils films èn vegnids producids e mess a disposiziun dals chantuns Berna, Genevra, Giura, Vad e Vallais sco er dad EspaceSuisse (l'Associaziun naziunala per la planisaziun dal territori e sia secziun da la Svizra franzosa) en il rom d'in project da film cuminaivel.