Indemnisaziun

La victima e ses confamigliars han il dretg d'ina indemnisaziun per il donn material subì en consequenza dal malfatg (p.ex. perdita da gudogn, perdita da prestaziuns regularas da mantegniment, custs da sepultura).

Satisfacziun

En cas ch'il malfatg ha chaschunà donns grevs e restants, exista il dretg d'ina satisfacziun (donn immaterial en il senn d'ina indemnisaziun dals donns morals).

Dumonda al chantun

Pretensiuns da satisfacziun e d'indemnisaziun pon vegnir inoltradas sco pretensiuns civilas en la procedura penala. Sut tschertas premissas po ina dumonda vegnir inoltrada al post d'indemnisaziun dal chantun, nua ch'il malfatg è vegnì commess.

Il termin per far valair pretensiuns d'indemnisaziun e da satisfacziun tar il chantun scada per regla tschintg onns suenter il malfatg.

Sche la victima u ils confamigliars dovran agid finanzial immediat, po vegnir fatga ina dumonda per ina indemnisaziun anticipada.

Cussegliaziun

Vulessas Vus savair, sche Vus avais il dretg d'ina indemnisaziun u d'ina satisfacziun? Contactai l'agid a victimas dal Grischun: +41 81 257 31 50

Dumondas d'indemnisaziun e da satisfacziun per malfatgs commess en il chantun Grischun pudais Vus inoltrar a la suandanta adressa:

Contact