Dapi l'onn 2010 cumpara la bibliografia grischuna cun ina meglra classificaziun che tegna quint da las pretensiuns d'ina bibliografia regiunala e che facilitescha la tschertga da litteratura davart in tema specific. Sco bibliografia regiunala cuntegna ella pia en emprima lingia publicaziuns che s'occupan tematicamain dal Grischun.

Criteris d'admissiun

En la bibliografia vegnan integradas tant publicaziuns independentas (monografias, periodica) sco er publicaziuns dependentas (artitgels da revistas, contribuziuns en monografias), las ultimas dentant per regla mo, sch'ellas cumpiglian in text d'almain 4 fin 5 paginas. Analisadas vegnan oravant tut revistas scientificas.

Registrada vegn er litteratura grischa – vul dir publicaziuns che na vegnan betg vendidas en librarias – sche nus survegnin enconuschientscha da quella.

Betg nudads vegnan percunter statuts d'uniuns, chalenders d'occurrenzas, broschuras da reclama e chaussas sumegliantas.

Ovras che sa refereschan a persunas dals secturs da la litteratura, da la musica e da l'art vegnan registradas, sche la persuna pertutgada viva resp. ha vivì en il Grischun; en cas che questa persuna è partida davent dal chantun mo, sch'igl exista resp. sch'igl ha dà anc vinavant ina relaziun tar la regiun (en l'ovra sezza ubain tras la participaziun a la vita culturala). En cas da publicaziuns che cumparan sco ediziun privata, ans resalvain nus da far in'elecziun.

Tut ils titels da la Bibliografia grischuna vegnan integrads cun differentas notaziuns en ina classificaziun regiunala. Selecziunai en la tschertga extendida dal catalog online la «Bibliografia grischuna», per survegnir tut ils resultats d'ina notaziun specifica. Per in access svelt cliccai en la survista sutvart sin il simbol da marella.

Redacziun: Seraina Forster

Tschertgar en catalog online

General (1)

01.0	General
01.1	Periodicas
01.2	Bibliografias
01.3	Guids turistics
01.4	Cartas

Pajais ed abitadi (2)

02.0	Pajais ed abitadi en general
02.1	Enconuschientscha generala da la patria
	02.2.1	Construcziun geologica
	02.2.2	Auas
	02.2.3	Clima
	02.2.4	Vegetaziun
	02.2.5	Fauna
02.3	Istorgia da la colonisaziun
02.4	Planisaziun urbana e regiunala
02.5	Protecziun da la natira e da l'ambient

Istorgia (3)

03.0	Istorgia generala
	03.0.1	Funtaunas ed archivaziun
	03.0.2	Istoriografia
	03.0.3	Scienza auxiliara istorica
		03.0.3.1	Genealogia
03.1	Preistorgia e protoistorgia
03.2	Temp dals Romans
03.3	Temp medieval
03.4	Temp modern fin 1789
03.5	Istorgia 1789-1918
03.6	Istorgia 1918-1945
03.7	Istorgia 1945-1999
03.8	Istorgia dapi l'onn 2000

Dretg, stadi, politica (4)

04.0	Dretg, stadi, politica en general
04.1	Istorgia dal dretg e da la constituziun
	04.2.1	Dretg ed administraziun
	04.2.2	Instituziuns publicas
	04.2.3	Taglias e finanzas
	04.2.4	Giustia
	04.2.5	Militar
	04.2.6	Partidas politicas
	04.2.7	Elecziuns, votaziuns dal pievel

Populaziun/societad (5)

05.0	Populaziun/societad en general
05.1	Istorgia da la populaziun ed istorgia sociala
	05.2.1	Classas e gruppas socialas
	05.2.2	Temp liber e divertiment
	05.2.3	Sanadad publica e fatgs socials
	05.2.4	Opiniun publica, pressa

Economia e traffic (6)

06.0	Economia e traffic en general
06.1	Istorgia da l'economia e dal traffic
	06.2.1	Agricultura e selvicultura
	06.2.2	Aua, energia, dismessa
	06.2.3	Professiun, mastergn, industria
	06.2.4	Turissem, gastronomia
	06.2.5	Commerzi, bancas, duana
	06.2.6	Traffic
	06.2.7	Posta, telecommunicaziun

Religiun e baselgias (7)

07.0	Religiun e baselgias en general
07.1	Istorgia da la baselgia
07.2	Baselgia catolic-romana
07.3	Baselgia evangelica
07.4	Cuminanzas religiusas pli pitschnas
07.5	Autras religiuns

Tradiziuns popularas e lingua (8)

08.0	Tradiziuns popularas e lingua en general
08.1	Tradiziuns popularas, usits
08.2	Lingua, dialect
08.3	Onomastica
08.4	Tradiziuns popularas e lingua: auter

Furmaziun, scienza, cultura (9)

09.0	Furmaziun, scienza, cultura en general
09.1	Istorgia da la furmaziun ed istorgia culturala
09.2	Fatgs da scola
09.3	Scolas autas/universitads
09.4	Instituziuns culturalas
	09.4.1	Cudeschs e grafologia
09.5	Scienzas natiralas, tecnica
09.6	Teater, film
09.7	Musica
09.8	Sport

Litteratura ed art (10)

10.0	Litteratura ed art en general
10.1	Litteratura
10.2	Art figurativ
	10.2.1	Architectura
	10.2.2	Pictura, dissegn, fotografia
	10.2.3	Plastica
	10.2.4	Art applitgà
	10.2.5	Tgira da monuments

11 Singulas persunas u instituziuns

12 Singuls lieus