Numerus films, videos e numerusas contribuziuns da tun stattan en relaziun ina cun l'autra e pon vegnir attribuidas ad ina collecziun a maun da lur context u da lur cuntegn. Ultra da relaschs e da vastas collecziuns da persunas singulas vegnan menziunadas qua sutvart er collecziuns davart singulas instituziuns u davart singuls projects. Da la diversitad linguistica e culturala dal chantun Grischun vegni tegnì quint en las collecziuns sut il chavazzin 'etnograficas'. Bleras collecziuns èn archivalias isoladas.

Ulteriuras specificaziuns dal cuntegn u da la furma èn registradas grazia a l'attribuziun a geners ed a temas. Cun 'svutrar' sin quest portal pon ils titels vegnir filtrads tenor gener en la rubrica 'gener'. Cuntrari a las collecziuns è l'attribuziun ad in gener u ad in tema pli averta.