Concessiun d'ina prolungaziun dal termin; Ovra electrica Robbia, Repower SA, sanaziun en connex cun midadas da la deflussiun da l'aua; exposiziun publica

A l'Ovra electrica Robbia da la Repower SA è vegnì prolungà il termin per consegnar ses studi da variantas davart las mesiras da sanaziun per eliminar ils donns che vegnan chaschunads da las midadas da la deflussiun da l'aua, quai fin ils 31 da mars 2026 (conclus da la Regenza dals 6 da november 2024 [prot. nr. 867/2024]).

L'exposiziun publica dura dals 4 da favrer fin ils 5 da mars 2025.

Durant il temp d'exposiziun pon ins prender invista da la dumonda a la recepziun da l'edifizi administrativ sinergia, Ringstrasse 10, Cuira.

Actas d'exposiziun

Eventuals recurs ston vegnir inoltrads en scrit entaifer il temp d'exposiziun a la Dretgira superiura dal chantun Grischun, Obere Plessurstrasse 1, 7000 Cuira. La legitimaziun da far recurs sa drizza tenor l'art. 50 da la Lescha davart la giurisdicziun administrativa (LGA; DG 370.100).