Navigation

Sprachwahl

ePortal

Inhaltsbereich

Examen d'admissiun a scolas da talent

Ils examens d'admissiun 2025 per entrar en ina scola da talent grischuna han gì lieu ils 07 da favrer 2025.
Infurmaziuns davart ils examens d'admissiun 2025 suondan l'atun.

Infurmaziuns detagliadas davart l'examen dattan ils documents qua sutvart

L'examen d'admissiun vegn preparà, manà tras e valità d'ina gruppa directiva. Ella prenda er las decisiuns concernent l'admissiun u l'inadmissiun a l'examen d'admissiun respectivamain concernent la reussida u la nunreussida da l'examen d'admissiun. L'uffizi per la scola populara ed il sport nominescha las commembras ed ils commembers da questa gruppa directiva.

Ordinaziun

Ordinaziun davart la procedura d'admissiun en classas da talent (OACT) 

Scolas da talent

Indicaziuns davart las scolas da talent dal Grischun chattais Vus qua.

En tut las scolas da talents vegnan purschids trenaments da fufragnadi per pudair emprender ad enconuscher las persunas responsablas e per survegnir ina invista da l'examen d'admissiun pratic. Per survegnir ina impressiun èsi giavischà ch'i vegnian frequentads in fin dus trenaments da fufragnadi en la scola giavischada. Ils trenaments da fufragnadi n'èn betg obligatorics (na fan betg part da l'examen d'admissiun) e vegnan organisads da las scolas da talents. En cas da dumondas As drizzai per plaschair directamain a la scola giavischada.

etagls davart ils trenaments da fufragnadi stattan a disposiziun a partir da l'atun sin la pagina d'internet da la scola respectiva.