Cliccai ils singuls titels per survegnir dapli infurmaziuns davart il tema.

Infurmaziuns generalas

Smanatschas e violenza èn cumportaments che chaschunan blessuras psichicas u fisicas ad autras persunas u che annunzian talas consequenzas.

Smanatschas e violenza pon sa mussar en differentas furmas, per exempel:

• Attatgas e smanatschas corporalas.
• Offensiuns verbalas e nunverbalas che surpassan ils conflicts da lavur ed ils conflicts interumans normals.
• Umiliaziuns.
• Ingiurias.
• Persecuziuns intenziunadas ed insistentas d'ina persuna ("stalking").

Violenza vegn chapida sco abus da pussanza ed en il senn pli stretg sco in sforz che vegn applitgà en moda illegitima. Violenza po vegnir applitgada en moda fisica, psichica, verbala e nunverbala. Er ina smanatscha è ina violaziun da l'integritad chaschunada d'in cumportament violent. La persuna che smanatscha annunzia in dischavantatg en il futur e di ch'ella possia influenzar tal.

Tge poss jau far?

Discutai cun persunas da confidenza e / u faschai diever d'ina da las purschidas per las collavuraturas ed ils collavuraturs dal chantun Grischun, che Vus chattais sin la pagina d'internet "Post da consultaziun / d'annunzia".

A las infurmaziuns dal Secretariat da stadi per l'economia (SECO):

Violenza