Il chantun Grischun vul porscher a ses persunal in ambient, nua ch'el po trair a niz optimalmain ses potenzial da prestaziun e nua che sia sanadad psichica e fisica vegn protegida.

Las collavuraturas ed ils collavuraturs che giavischan da vegnir sustegnids en cas da problems en connex cun la lavur, dastgan decider sezs, sch'els vulan consultar ina cussegliaziun confidenziala (cf. qua sutvart "cussegliar" - Post da cussegliaziun psicologica) u sch'els vulan inoltrar in'annunzia formala (cf. qua sutvart "annunziar" - Persunas superiuras u Post per l'annunzia d'incunvegnientschas en il sectur dal persunal).

Las collavuraturas ed ils collavuraturs che vulan s'infurmar davart differents temas, p.ex. mobing, discriminaziun, mulestas sexualas, problems da dependenza u grevezzas psichicas en connex cun la lavur, chattan qua infurmaziuns detagliadas (cf. qua sutvart "infurmar").

…jau less m'infurmar davart ils suandants temas:

• Mobing
• Discriminaziun
• Mulestas sexualas
• Violenza
• Problems da dependenza
• Grevezzas psichicas en connex cun la lavur (sco p.ex. burnout, schliaziun da conflicts cun collavuraturas e collavuraturs, cun persunas superiuras u en il team)
• Dapli infurmaziuns davart il management da sanadad per il manaschi