Sco discriminaziun valan remartgas ed acziuns che han l'intenziun da discreditar u da dischavantagiar persunas che appartegnan a gruppas socialas concretas.

La Constituziun federala da la Confederaziun svizra (Cst.; CS 101) fixescha in scumond da discriminaziun en il rom da l'egualitad giuridica. Tenor la disposiziun respectiva na dastga nagin vegnir discriminà, particularmain betg pervia da l'origin, da l'appartegnientscha etnica, da la schlattaina, da la vegliadetgna, da la lingua, da la posiziun sociala, da la moda da viver, da la persvasiun religiusa, filosofica u politica u pervia d'in impediment corporal, spiertal u psichic.

Il princip dal tractament egual vegn violà pervia d'ina caracteristica numnada qua survart, sch'ina persuna na vegn betg tractada tuttina sco in'autra persuna en ina situaziun cumparegliabla e sche quai chaschuna in'umiliaziun e l'isolaziun. Tenor il dretg da lavur vala quai cunzunt per discriminaziuns en connex cun l'engaschament, cun l'attribuziun da las incumbensas, cun la concepziun da las relaziuns da lavur, cun la salarisaziun, cun la scolaziun e la furmaziun supplementara, cun promoziuns u relaschadas.

Tge poss jau far?

TDiscutai cun persunas da confidenza e / u faschai diever d'ina da las purschidas per las collavuraturas ed ils collavuraturs dal chantun Grischun, che Vus chattais sin la pagina d'internet "Post da consultaziun / d'annunzia".

A las infurmaziuns dal Secretariat da stadi per l'economia (SECO):

Mobing ed autras mulestas – protecziun da l'integritad persunala al plaz da lavur