Sin la via dal Lucmagn, curt avant il pass, ston vegnir allontanadas – per motivs da segirezza – ulteriuras parts dal grip. La via è charrabla sin in vial.

Las lavurs da sondagi e da nettegiada a la via dal Lucmagn progredeschan cun tutta forza. Il glindesdi passà ha in'emprima part dal grip instabil da var 400 meters cubic pudì vegnir siglientada davent.

Mesiras da segirada

Suenter las lavurs da siglientada e da nettegiada dal grip dals ultims dis è la paraid-crap danovamain vegnida giuditgada ord vista geologica. En quest connex è sa confermada la supposiziun ch'ina ulteriura part dal grip da var 500 meters cubic smanatscha medemamain da crudar giu. Questa part dal grip vegn survegliada cun agid da mesiraziuns e duai medemamain vegnir allontanada entaifer las proximas emnas. Las lavurs correspundentas vegnan gia exequidas.

Infurmaziuns davart la via

La via dal Lucmagn è puspè averta e charrabla a partir d'immediat. En il sectur da las lavurs da segirada è la via dentant charrabla mo sin in vial. Il traffic vegn reglà cun amplas. Sut www.strassen.gr.ch stattan a disposiziun la charta e la glista da plazzals actuala cun indicaziuns detagliadas davart las lavurs e davart ils impediments.

Part dal plazzal ch'è vegnida segirada