L'incumbensa principala dal Center da documents d'identitad èn la controlla e l'elavuraziun da dumondas da documents d'identitad per burgais svizzers. Latiers tutga er la registraziun da las datas biometricas, quai vul dir da fotografias e d'improntas dals dets.

Ultra da quai registrain nus er las datas biometricas per documents d'identitad da persunas estras e per documents da viadi da fugitivas e fugitivs renconuschids.

Da nov han burgaisas e burgais da la UE/AECL en il chantun Grischun la pussaivladad da trametter la fotografia da la fatscha e la suttascripziun per l'emissiun da la permissiun da dimora UE/AECL, ensemen cun la dumonda, via la vischnanca a l'Uffizi da migraziun e da dretg civil dal Grischun.
Cun questa pussaivladad n'èsi betg pli necessari da sa preschentar persunalmain tar il Center da documents d'identitad da l'Uffizi da migraziun e da dretg civil dal Grischun.
Ils criteris per far la fotografia da la fatscha ed il formular che sto vegnir duvrà, chattais Vus sut il suandant link:

https://www.gr.ch/RM/instituziuns/administraziun/djsg/afm/documentaziun/Einreise/Seiten/202308141.aspx

Plinavant essan nus responsabels per l'emissiun da permissiuns per il commerzi ambulant. (chasegliadras e chasegliaders, deposits ambulants e.u.v.)