Ina detensiun regulara en il mintgadi ha gia a curta vista effects positivs per il sentiment corporal e per la luna. Ella po reducir la pressiun dal sang ed il puls ed augmentar la qualitad dal sien. In sien saun e recreativ è ina resursa essenziala per nossa sanadad.

En il mintgadi essan nus savens confruntads cun numerus facturs da stress sco squitsch da temp, canera u cuntraversas. Noss corp reagescha sin quai cun producir ormons da stress. Per che nus restian sauns, ston quests ormons da stress puspè vegnir decumponids. Cun moviment e cun ina detensiun activa pudain nus gidar noss corp a far quai. I dat in grond dumber da las pli differentas pussaivladads da detensiun: spassegiadas, s'inscuntrar cun amias ed amis, lavur dad iert, leger, yoga, meditaziun, exercizis da trair flad, activitads creativas ed artisticas e/u autras occupaziuns preferidas.

Sien recreativ

In sien saun è ina contribuziun essenziala per noss bainstar fisic e psichic. Mo sche nus avain durmì ora, essan nus frestgs, fits e buns da supportar squitsch. Durmì bain avain nus, sche nus ans sentin recreads e pussads. Nus na duvrain la regeneraziun sur notg betg mo per noss tscharvè, mabain per l'entir corp e per tut noss sistems. Perquai stuessas Vus far stim suffizientamain da Voss sien ed al promover cun mesiras simplas, dentant efficazias, p.ex. cun:

• uras da durmir regularas
• abgedunkeltem, gelüftetem und angenehm kühlem Schlafzimmer
• desister d'alcohol e da nicotin avant che ir en letg
• in ritual persunal per ir a durmir (p.ex. odur da lavandra sin il plimatsch u giudair in té da buna notg)

La durada dal sien ed il basegn da durmir èn individuals e dependan da la vegliadetgna. La perscrutaziun di, ch'in sien da 6 fin 9 uras per notg saja optimal. Pli vegl ch'ins daventa e pli fitg che la durada optimala dal sien sa reducescha.

Links