Nutriment equilibrà
In nutriment equilibrà, varià e gustus sustegna la sanadad dal sistem cardiovascular e prevegn cunter surpais u cunter in'alimentaziun manglusa. Cun vegnir pli vegl, vali da resguardar in pèr particularitads, perquai ch'il corp e ses basegns sa midan.
Entant ch'il basegn da substanzas nutritivas sco proteins, vitamins ed oligoelements s'augmenta cun la vegliadetgna, sa reducescha dentant il basegn d'energia. La mancanza d'appetit e la perdita da la said pon chaschunar che mangiar e baiver daventan ina chaussa secundara. Sch'i na vegn betg dà avunda attenziun a l'alimentaziun, smanatschan surpais ed in nutriment sbaglià u manglus, che pon esser ils motivs per blers problems da sanadad en la vegliadetgna. I vala pia la paina d'As occupar dal nutriment, da respunder las suandantas dumondas e là, nua ch'igl è necessari, d'adattar Vossas disas d'alimentaziun:
- Mangiais Vus victualias fibrusas sco fritgs, legums, leguminosas u products da graun integral?
- As cuis Vus mintga di ina purziun extraordinaria da proteins (albumin)?
- Giais Vus enturn en moda spargnusa cun grass e cun ielis, cun liongias e cun charn fraida, cun pastizarias e cun dultscharias?
- Bavais Vus mintga di almain in liter e mez liquid? (p.ex. aua, suc, té, café u schuppa)?
- Giudais Vus regularmain e conscientamain in fin dus pasts chauds per di?
Giudair ensemen
Mangiar da cuminanza ha dus effects positivs sin il bainstar: el meglierescha l'appetit e protegia cunter isolaziun. Dus buns motivs per fundar ina tavolata u per frequentar regularmain ina maisa da mezdi. Ubain envidai Vossa famiglia, Voss amis u Voss enconuschents ad ina marenda sanadaivla, ad in gentar sanadaivel u ad ina tschaina sanadaivla.
Purschidas en il Grischun
Publicaziuns e links