Program WhatsApp per reducir il consum da nicotin
Il NicotineFreeCoach è in program da WhatsApp gratuit che ta dat infurmaziuns davart il consum da products che cuntegnan nicotin sco cigarettas da tubac, vapes, cigarettas electronicas, satgets da nicotin u snus. El po ta gidar a consumar damain u a chalar cumplettamain da fimar. Il program t'accumpogna cun tips regulars sin la via a tia finamira persunala (dar vinavant infurmaziuns, consumar damain, stop da nicotin). Expertas ed experts respundan tias dumondas persunalas – gratuitamain ed anonimamain.
Sa participar pon tut las persunas da 16 onns e dapli. La purschida è anonima e gratuita.
Gruppa/s en mira
Persunas che consumeschan nicotin da 16 onns e dapli cun WhatsApp
Finamiras dal project
Il program gida las persunas ad ademplir lur giavisch da cuntanscher ina midada en lur consum da nicotin, saja quai da reducir lur consum u da chalar cumplettamain.
Cuntegns da la purschida
- Coaching: Durant ina perioda da 10 emnas survegns ti mintga emna 2 fin 3 messadis via WhatsApp. Quels ta motiveschan, ta dattan tips, co ir enturn cun stress e cun situaziuns, en las qualas ti fimas savens. Da tut temp pos ti er consultar sezza u sez tips da sustegn u terminar il program.
- Ask the Expert: Sur in chanal da WhatsApp separà pos ti far dumondas persunalas davart il tema fimar – gratuitamain ed anonimamain – ad in'experta u in expert.
Links