En las vischnancas surpiglian las incumbensadas ed ils incumbensads per la promoziun da la sanadad e per la prevenziun las incaricas d'infurmaziun, da coordinaziun e d'iniziativa. Questa funcziun è francada en la Lescha da sanadad dal Grischun e vegn per regla ademplida da la commembra u dal commember dal cussegl communal ch'è responsabel per il ressort Sanadad. Questas persunas èn in liom impurtant tranter la vischnanca, il Post spezialisà chantunal per la promoziun da la sanadad e la populaziun locala.

Ellas han las suandantas incumbensas:

• far in monitoring surordinà davart las mesiras che promovan la sanadad e davart las purschidas da la vischnanca;
• infurmar e cussegliar la suprastanza communala davart las dumondas da la promoziun da la sanadad e da la prevenziun en la vischnanca;
• integrar la promoziun da la sanadad e la prevenziun en ils models directivs ed en ils concepts u en las strategias da la vischnanca;
• preschentar ideas e projects en furma da propostas sin plaun politic;
• incumbensar il plaun operativ da realisar mesiras e projects;
• sa colliar en la regiun e sa perfecziunar.