Material davart la protecziun da la giuventetgna per organisaturs e per posts da vendita
Il material gratuit da «Check protecziun da giuventetgna» gida ils organisaturs ed ils posts da vendita ad observar las disposiziuns legalas davart la protecziun da giuventetgna al lieu.
Il material cumpiglia placats e tatgaders sco er glistas da controlla per il persunal da vendita e per organisaturs da festas. Ins po retrair quest material gratuitamain tar il Post spezialisà per la promoziun da la sanadad.
Gruppa/s en mira
Posts da vendita d'alcohol e da tubac, organisaturs da festas, vischnancas
Finamiras dal project
Sustegn per far valair al lieu las disposiziuns davart la protecziun da giuventetgna.
Metter a disposiziun per il persunal da vendita infurmaziuns actualas davart la situaziun legala naziunala e chantunala.
Metter a disposiziun per ils organisaturs glistas da controlla ed agids,
I vegn facilità da signalisar confurm a la lescha las disposiziuns davart la protecziun da giuventetgna.
Cuntegns da la purschida
- Material per proteger la giuventetgna sco tavlas d'infurmaziun, glistas da controlla per organisaturs da festas, bindels per controllar la vegliadetgna e.u.v. en 3 linguas (rumantsch, tudestg, talian)
Cundiziuns generalas
- La vischnanca, ils manaschis ed ils organisaturs èn dal Grischun
Links