Scolas
La prevenziun da dependenzas en il context da la scola ha effect. Il Post spezialisà per la promoziun da la sanadad sustegna las scolas sin differents plauns.
Sviluppar las cundiziuns generalas e la cultura da scola
In clima da scola positiv che porscha sustegn è la basa per mintga mesira da prevenziun. Latiers tutga la creaziun d'in ambient avert da confidenza, nua che las scolaras ed ils scolars pon exprimer lur quitads e lur temas. Plinavant duessan vegnir communitgadas cleras reglas e valurs che promovan in cumportament cun responsabladad envers sasez ed ils auters.
Promoziun da la collavuraziun e colliaziun
Ina stretga collavuraziun tranter las persunas d'instrucziun, la lavur sociala da scola, ils geniturs sco er partenarias e partenaris externs è indispensabla. Tras in barat regular èsi pussaivel da sviluppar strategias cuminaivlas e da concentrar las resursas. Plinavant èsi impurtant d'integrar las scolaras ed ils scolars en ils process da decisiun, per rinforzar lur identificaziun cun las mesiras da prevenziun.
Material per l'instrucziun
Per integrar la prevenziun da dependenzas cun success en l'instrucziun, dovri materialias e concepts d'instrucziun adattads. Quels duessan resguardar la vegliadetgna dals uffants ed esser multifars. Er duessan els cuntegnair tant basas teoreticas sco er exercizis pratics.
Contribuziuns a projects da la prevenziun da dependenzas
Il sustegn finanzial per projects da la prevenziun da dependenzas gida las scolas a realisar mesiras innovativas e duraivlas. Quai pon esser lavuratoris, referats u programs da prevenziun.
Cussegliaziun
- Sviluppar la cultura ed il clima da scola cun francar en il mintgadi da scola mesiras cumprovadas da la promoziun da la sanadad
- Instrucziun en scolas davart la prevenziun da dependenzas per direcziuns da scola e per persunas d'instrucziun
- Furmaziuns supplementaras per persunas d'instrucziun
Links