il post spezialisà per la promoziun da la sanadad porscha cussegliaziun e pussaivladads da perfecziunament sco era projects davart ils temas moviment, nutriment e sanadad psichica per canortas d’uffants e gruppas da gieu (rinforzament da las resursas).

«Dal tuttafatg ferm» en la canorta

Il svilup psichic e social da l’uffant dependa fermamain dad experientschas multifaras da relaziuns e d’in nutriment equilibrà. Per canortas d’uffants che han gia participà al project «Cupitgarola – moviment e nutriment» vegn perquai purschì sco approfundaziun il modul «Dal tuttafatg ferm» cun focus sin la sanadad psichica. Cun inputs simpels, damanaivel a la pratica or da scolaziuns cuntinuadas ed inscunters da barat, emprendan persunas da referiment da promover resursas che han effect sin la sanadad e cumpetenzas da viver en il mintgadi da la canorta. Ins intermediescha uschia temas sco l’autoregulaziun, controlla dad impuls, schliaziuns da problems u l’autoeffizienza.

«Dal tuttafatg ferm» en la canorta vegn realisà en collavuraziun cun l’Associaziun professiunala da tgira d’uffants dal Grischun (tudestg).