Tut ils manaschis ch'èn registrads tar il chantun Grischun (hobi, apiculturas, vits e. u. v) ston relevar mintga onn las datas dals animals e da las surfatschas. Tar l'enquista chantunala annuala stuais Vus controllar ed eventualmain modifitgar tut Vossas datas.

L'enquista vegn fatga online en il agriPortal. Nus As infurmain al dretg temp en chaussa.

Co vegn jau a savair, cura e co che jau poss annunziar mes animals e/u mias surfatschas en l'enquista chantunala?

Las tegnidas d'animals registradas resp. tut las cultivaturas ed ils cultivaturs da surfatschas vegnan infurmads per e-mail u en scrit davart il proceder exact da questa enquista. L'enquista vegn fatga online en il agriPortal.

Jau n'hai nagin computer per l'enquista online. Co stoss jau proceder?

La persuna incumbensada per l'enquista da Vossa vischnanca po far per Vus l'enquista ed inoltrar las datas.

Co e nua pon ins annunziar pievels d'avieuls?

Durant l'enquista pon ins modifitgar ils dumbers dals pievels. Novs avieulers u adattaziuns da las coordinatas na pon ins betg endatar sez. Faschai per plaschair questa annunzia cun il formular d'avieuls da l'Uffizi per la segirezza da victualias e per la sanadad d'animals (USVA).