Cumplementarmain al dretg federal promova il chantun furmas da cultivaziun ch'èn orientadas al martgà e che respectan ils animals e l'ambient. En la Lescha per mantegnair e promover l'agricultura (DG 910.000), en l'Ordinaziun davart l'agricultura (DG 910.050) sco er en l'Ordinaziun davart la producziun da muvel (DG 912.010) èn prescrittas las pussaivladads da promover mesiras e projects. 

Cun ils meds finanzials che stattan a disposiziun vegnan sustegnidas differentas activitads. Sco exempel valan:

• contribuziuns per commerzialisar ils products agriculs per augmentar la creaziun da valur;
• contribuziuns a l'allevament, a la tegnida ed a la promoziun da la vendita d'animals;
• mantegniment da bains culturals prezius;
• elavuraziun da las basas;
• svilup d'innovaziuns.