Las midadas d'adressa, las annunzias novas, las incumbensas u las surdadas ston vegnir annunziadas al UAG.

Mutaziuns tar avieuls (adressas, coordinatas, stans e.u.v.) ston vegnir annunziadas a l'Uffizi per la segirezza da victualias e per la sanadad d'animals (USVA).

Co poss jau annunziar mia tegnida d'animals?

Per annunziar ina tegnida d'animals duvrai per plaschair il formular Annunziar ina nova tegnida d'animals. Per annunziar avieuls duvrai per plaschair il link Fatgs d'avieuls.

Tge capita suenter che jau hai annunzià mia tegnida d'animals?

Suenter l'annunzia survegnan las persunas che tegnan arments, biffels da l'aua, chavals ed asens, chauras, nursas, portgs e giaglinom, las datas d'access per la banca da datas davart il traffic d'animals (BDTA) sin agate.ch. Agate è il portal d'internet da la Confederaziun. Arments, bovs da l'aua, chavals ed asens, portgs e giaglinoms ston vegnir annunziads per il lieu respectiv (numer BDTA). Ulteriuras infurmaziuns ed instrucziuns chattais Vus sin la pagina d'internet agate.ch.

Co pon ins annunziar mutaziuns dals lieus dals avieuls u midadas dal dumber da pievels?

Cun il formular d'avieuls da l'Uffizi per la segirezza da victualias e per la sanadad d'animals (USVA) pon ins annunziar tut las midadas (adressas, coordinatas, stans e.u.v.). Il dumber da pievels sto vegnir controllà ed eventualmain modifitgà mintga onn, per regla a chaschun da l'enquista davart ils animals e las surfatschas che vegn fatga il mars. In avis correspundent suonda, cur ch'igl è uschè lunsch.

Pertge ston ins annunziar lieus d'avieuls betg occupads?

En cas d'ina epidemia ston ins er pudair controllar ils lieus d'avieuls vids.