Las contribuziuns per il territori d'alpegiada (contribuziuns d'alpegiada, da biodiversitad ed a favur da la qualitad da la cuntrada) vegnan pajadas als manaschis d'alpegiada e da pastgiras cuminaivlas renconuschids en Svizra.
La dumonda vegn inoltrada via internet (agriPortal) mintgamai il settember. Las cultivaturas ed ils cultivaturs dals manaschis existents vegnan fatgs attents directamain dal UAG d'endatar lur datas. Infurmaziuns davart la biodiversitad e la qualitad da la cuntrada en il territori d'alpegiada chattais Vus sut la rubrica Pajaments directs Biodiversitad e colliaziun u Qualitad da la cuntrada.
Co e cura pon ins controllar durant l'alpegiada ils dumbers d'animals normals actuals?
Sin agate.ch chattais Vus suot la rubrica "calculatur da vatgadas" la funcziun "prognosa d'alpegiada". Suenter che Vus avais endatà la banca da datas davart il traffic d'animals (numer BDTA) e la data previsibla da la stgargiada, pudais Vus far qua ina calculaziun provisorica.
Jau hai mo muvel grond, questas datas furnescha bain la banca da datas davart il traffic d'animals (BDTA) – stoss jau tuttina far l'enquista en il agriPortal?
Gea, l'enquista sto vegnir fatga e serrada giu en mintga cas. Cun questas endataziuns faschais Vus la dumonda per contribuziuns en il territori d'alpegiada. Vus na stuais dentant inoltrar nagins formulars per posta.
Nua chat jau infurmaziuns davart la protecziun da muntaneras, per cumbatter plantas problematicas e per proteger las pastgiras cunter engondament e cunter desertificaziun?