Perquai ch'il turissem n'è betg ina branscha economica sco tala en il senn da la classificaziun NOGA, mabain vegn definì da vart da la dumonda, na sa lascha sia contribuziun al total da l'occupaziun u al PIB chantunal betg deducir directamain da las statisticas economicas usitadas.

Sin plaun federal sa gid'ins cun in conto satellit dal turissem (TSA) che vegn calculà (en moda cumbinada) cun grondas expensas. Perquai che quai n'è betg pussaivel sin plaun chantunal ha l'Uffizi per economia e turissem laschà perscrutar l'impurtanza dal turissem per l'economia publica dal chantun en ils onns 2004 (tudestg) sco er 2008 (tudestg) tras la SATE Cuira (oz Scola auta spezialisada dal Grischun).