La statistica dals alloschaments HESTA è concepida sco retschertga cumplaina e registrescha mintga mais las indicaziuns las pli impurtantas davart las capacitads e las frequenzas dals hotels e dals manaschis da cura sco er dals campadis.

L'onn 2024 han ils 654 manaschis da l'hotellaria en il Grischun registrà 5'527'038 pernottaziuns, 1,9 pertschient dapli che l'onn precedent. L'occupaziun brutta dals 46'000 letgs existents ha importà en quest connex 32,8 pertschient.

La statistica da la parahotellaria (PASTA) registrescha la purschida e la dumonda d'abitaziuns da vacanzas che vegnan administradas en moda commerziala e d'alloschis collectivs. Tar la PASTA sa tracti d'ina retschertga da sondagi, las frequenzas vegnan cumprovadas en il Grischun mo sin il stgalim dal chantun.