Il post da coordinaziun violenza a chasa s'engascha en il chantun Grischun per ina collavuraziun interdisciplinara e professiunala da tut las autoritads ed instituziuns ch'èn activas en il sectur da la violenza a chasa:

• post da cussegliaziun per persunas violentas
• fatgs da furmaziun
• chasa per dunnas
• dretgiras regiunalas
• polizia d'esters
• fatgs da sanadad
• polizia chantunala
• autoritad per la protecziun d'uffants e da creschids APUC
• agid a victimas
• procura publica
• post da stab per l'egualitad da las schanzas
• polizia da la citad da Cuira
• servetschs socials chantunals

Nossas finamiras

• Retegnair la violenza
• Proteger las victimas
• Far responsablas las persunas violentas

Nossas incumbensas

La regenza dal chantun Grischun ha incumbensà il post da coordinaziun violenza a chasa cun las suandantas incumbensas:

• coordinar la collavuraziun interdisciplinara da tut las instituziuns e da tut ils uffizis en il chantun Grischun en il sectur da la violenza a chasa
• segirar ina purschida da cussegliaziun nunbirocratica per victimas e per persunas violentas
• garantir il transfer da savida tranter expertas ed experts ed instituziuns
• s'associar a conferenzas naziunalas
• promover la prevenziun e la constataziun tempriva da violenza a chasa
• meglierar las datas statisticas en il sectur da la violenza a chasa
• proceder en moda proactiva per elavurar e per tractar cas da violenza a chasa
• sviluppar purschidas novas per gruppas spezialas en mira e projects

Il post da coordinaziun violenza a chasa fa part da las suandantas conferenzas:

• conferenza svizra cunter la violenza a chasa (CSVC) (mo per tudestg)
• conferenza dals posts chantunals d'intervenziun, dals projects d'intervenziun e dals posts spezialisads cunter violenza a chasa da la Svizra tudestga (KIFS)