Procedura da qualificaziun tenor l'art. 34 al. 2 da la Lescha federala davart la furmaziun professiunala (LFPr) e tenor l'art. 32 da l'Ordinaziun davart la furmaziun professiunala (OFPr)

L'attestat federal da qualificaziun po er vegnir acquistà senza in temp d'emprendissadi legal contractual precedent. Sa basond sin l'art. 32 OFPr ha la Confederaziun reglà questa pussai-vladad sco suonda:

Sche las qualificaziuns èn vegnidas acquiridas ordaifer ina furmaziun regulara, premetta l'ad-missiun a la procedura da qualificaziun (PQ) in'experientscha professiunala d'almain tschintg onns (equivalenza da temp cumplain).

En quest connex ston vegnir resguardadas er las disposiziuns da l'Ordinaziun davart la furmaziun fundamentala professiunala respectiva.

Per sa preparar per ils examens en ils roms teoretics sa porschan differentas pussaivladads:

1. Frequentar l'instrucziun d'ina scola professiunala spezialisada durant in temp adequat. Il temp che la scola sto vegnir frequentada sa drizza tenor la furmaziun preliminara.
2. Frequentar ina scolaziun speziala (scolaziun da preparaziun renconuschida).
3. Instrucziun privata tar ina persuna d'instrucziun spezialisada u studi autodidactic.

Nus recumandain da leger detagliadamain l'Ordinaziun da furmaziun davart la scolaziun e davart las prescripziuns d'examen da la professiun respectiva.

Per l'elavuraziun e per l'admissiun a l'examen ston vegnir preschentads ils suandants documents:
 

• formular da dumonda (cun indicaziuns davart las persunalias, la scolaziun e.u.v.)
• conferma da domicil actuala
• attests da lavur davart l'activitad d'enfin ussa
• documents davart curs specifics frequentads u autras preparaziuns scolasticas
  

Per l'admissiun a la PQ vegn incassada ina participaziun da 500 francs als custs. Quest im-port na vegn betg restituì, er betg sch'ins na cumenza betg u sch'ins interrumpa anticipada-main la scolaziun da preparaziun resp. la PQ.

Per candidatas e candidats cun domicil en il chantun Grischun è la preparaziun scolastica en ina instituziun renconuschida gratuita. Als custs per frequentar ils curs intermanaschials (CI) en in center da scolaziun sa participescha l'Uffizi per la furmaziun professiunala cun ina pau-schala per mintga di da curs. Questa pauschala vegn pajada directamain al purschider dal curs. Ils purschiders cumpetents dals CI mettan a quint ils custs che surpassan la pauschala directamain a las participantas ed als participants. Ils ulteriurs custs, per exempel ils custs da meds d'instrucziun, ils custs da localitads e da material per realisar la procedura da qualifica-ziun u per l'instrucziun privata, van a quint da las participantas e dals participants.

L'annunzia sto vegnir inoltrada il pli tard ils 30 da november da l'onn che preceda l'onn d'examen.

Tar l'annunzia